Hosea 10

1इस्राएल एक जोमाने वाढणारा द्राक्षीचा वेल आहे.
त्याला विपुल फळे येतात.
जसजसे त्यांची फळ वाढली तसतशी त्याने वेद्या बांधल्या.
त्यांची भूमी सुपीक झाली,
तो त्याने सुंदर स्तंभ उभारले.
2त्यांचे हृदय कपटी आहे,
त्यांना त्यांची शिक्षा होईल
परमेश्वर त्यांच्या वेद्या मोडून टाकेल
त्याच्या पवित्र स्तंभाचा नाश करेल.

3आता ते म्हणतील,

“आम्हाला राजा नाही,
कारण आम्ही परमेश्वराचे भय मानले नाही
आणि राजा आमच्यासाठी काय करणार?”
4ते पोकळ शब्द बोलतात
खोट्या शपथा वाहून करार करतात,
म्हणून जसे शेताच्या तासात विषारी रानटी झुडूप उगवतात
तसा त्यांच्यावर न्याय येईल.

5शोमरोनाचे रहिवासी

बेथआवेनच्या वासरांसाठी घाबरे होतील
त्यांचे लोक त्यांच्यासाठी विलाप करतील,
सोबतच त्यांचे मुर्तीपुजक पुजारी
जे त्याच्या वैभवावर आनंद करत होते
आता ते त्यांच्याबरोबर नाहीत.
6ते अश्शूरास त्यांच्या महान राजासाठी भेट म्हणून नेण्यात येतील.
एफ्राहम लज्जीत होईल,
आणि मुर्तीच्या सल्ल्याने वागल्यामुळे
इस्राएल लज्जीत होईल.

7शोमरोनाचा राजा पाण्यावर

तरंगणाऱ्या ढलण्यासारखा नाश पावेल.
8दुष्टतेची श्रध्दास्थानाने
आणि इस्राएलाची पापे नाश पावतील
त्यांच्या वेदींवर काटे व काटेरी झुडपे उगवतील.
लोक पर्वतास म्हणतील, “आम्हाला झाका”
आणि टेकडयास म्हणतील, “आमच्यावर पडा”

9इस्राएला,

गिबाच्या दिवसापासून तू पाप करत आहेस;
तू तिथेच राहिला आहेस
गिबाच्या दुष्टांसोबत झालेल्या लढाईत ते सापडले नाहीत?

10मला वाटेल तेव्हा मी त्यास शिस्त लावीन,

त्यांच्या विरोधात राष्ट्रे एकत्र येतील
व त्यांच्या दोन्ही पापांसाठी त्यांना बेड्या टाकतील.
11एफ्राहम ही प्रशिक्षित कालवड आहे
तीला मळणी करायला आवडते म्हणून
मी तीच्या गोऱ्या मानेवर जू ठेवीन.
मी एफ्राहमावर जू ठेवीन,
यहूदा नांगरील, याकोब ढेकळे फोडील.

12तुम्ही आपणासाठी धार्मिकतेची पेरणी करा

आणि कराराच्या विश्वासूपणाची
फळ कापाल तुमची पडीत भूमी नांगरुन काढा,
कारण जोपर्यंत तो येऊन धार्मिकतेचा पाऊस पाडत नाही,
तोपर्यंत परमेश्वराला शोधण्याचीच ही वेळ आहे.
13तुम्ही दुष्टतेची नांगरणी केली,
तुम्ही अन्यायाची कापणी केली,
तुम्ही फसवणूकीचे फळ खाल्ले
कारण तू तुझ्या योजनांवर
आणि तुझ्या पुष्कळ सैनिकांवर विश्वास ठेवला.

14म्हणून तुझ्या लोकांमध्ये युध्दाचा गलबला होईल

आणि तुझी सर्व तटबंदीची शहरे नष्ट होतील.
हे असे घडेल जसे शल्मानाने बेथ-आर्बिलाच्या युध्दात नाश केला
तेव्हा आईला मुलांसह आपटून मारले गेले.
तुझ्या अती
दुष्टपणामुळे बेथेल तुझ्यासोबत असेच करील.
प्रभातसमयी इस्राएलाचा राजा पूर्णपणे नाश पावील.
15

Copyright information for MarULB